Өлең, жыр, ақындар

Май айына

  • 12.07.2022
  • 0
  • 0
  • 462
Қызыл арай нұры жанып,
Көрдім туған көктің күнін.
Алатаудан бұлтты жарып,
Көтергендей алтын туын.
Шаттық жырлар шомылдырған
Отанымның ойы-қырын.
Күші күнге бас игізген.
Құрыш қуаты елдің бүгін.
Ай күлімдеп, жұлдыз билеп,
Тыңдағандай ақын жырын.
Сүйді халық махаббатын,
Төгілді де тілден шырын.
Самолеттер аспанда ойнап,
Ұққызғандай көктің сырын.
Болат дене танкі қаулап,
Халық қуанып қаққан күлім!
Атты әскерлер нажағайлап,
Алдаспандар жарқ-жұрқ жайнап,
Жаудың құтын алатұғын.
Жермен жексен етер бұлар,
Отпен өшіріп жау өмірін.
Лениншіл қуатты ұрпақ
Ел шетінде тартқан шебін.
Жау келе алмас аттап аяқ,
Баса алмайды бақыт жерін!
Қыраннан да қырағылар
— Қызыл ерлер қорғайды елін!
Еркін еңбек кестелеген,
Қандай әсем жерім менің.
Уыз дәннен ту көтерген,
Толқындана еккен егін.
Сол еңбектің әрбір дәні,
— Көк қорғасын оқтай, дәрі,
— Қашырады жаудың ебін.
Құйған бекем құрыш тастан
Көрем берік Отан шегін.
Біздің елдің жері, көгі,
Жер, су, көкте жүрген ері,
Бақытты елдің таң сазынан
Көкірек кере алған демін.
Май айының шуағындай,
Барлық әлем шырағындай,
Отанымның май айында,
Бақшадағы жас бұлбұлдай,
Жыр шығарды қызыл тілім.

1938



Пікірлер (0)

Пікір қалдырыңыз

Темір керуен

  • 0
  • 0

Шексіз дала төскейін,
Шеңберлеген қол батыр, —
Құлашын тартқан қос шойын,
Жарқырап жонда жол жатыр.

Толық

Көңілім

  • 0
  • 0

Жаңа жаным жадырап жайраңдады,
Жада күн шашты әлемге алтын нұрын.
Жаңа шабыт шарқ ұрып, тіл сайрады,
Жеткендей жер түбіне асқақ үнім.

Толық

Жүрегің лүпілдеген

  • 0
  • 0

Сұлу жыр түртсе жаның,
Жүрегің лүпілдеген,
Сондай-ақ күтсе жарың
Үйіңде үлпілдеген!

Толық

Қарап көріңіз

Басқа да жазбалар

Пікірлер