Өлең, жыр, ақындар

Орыстың ұлы өзені

  • 12.07.2022
  • 0
  • 0
  • 649
Еділ сені білемін
Төсін сүйген қайықтың,
Анамдай сен менің,
Апасысың Жайықтың.
Ат жалдатып суыңа
Қарт Пугачев, Исатай
Қылышым жауға суыра,
Жағаңда жортқан ер Чапай!
Қара бұлттай түйілген
Сол ерлердің қуаты,—
Толқынына ту ілген
Күш боп сенде тұр аты.
Бала күннен өзіңе
Бауыр басып жүзген су,
Ыстық - ақсың көзіме!—
Өмірің бірге бізбен су.
Жақын едің бұрыннан,
Жатқа көзім қимастай,
Жатып едің бойыңнан
Жатқа сен де сыр ашпай...
Бүгін елім ашуға
Бізге арнаған сырыңды,
Сенен сәуле шашуға
Жұрттан қуат құйылды!
Толқынында ойнаса
Бұрын балық, құндыздар,
Жағылады тамаша
Ертең жарық жұлдыздар.
Сол жұлдыздар сәулесі —
Шарлап Каспий қырларын,
Гүлдер мәңгі мәуесі
Ноғай дала, құм Нарын!

1950



Пікірлер (0)

Пікір қалдырыңыз

Таң шапағы

  • 0
  • 0

Мінекей таң сарғайды сіберленіп,
Таң қанаты жайылды жұлдыз сеніп...
Жасыл атлас секілді жібек жиек,
Көк белдеуі сары алтын нұрын төгіп.

Толық

Хош келіпсіз!

  • 0
  • 0

Шырын тілді бұлбұлдары өзбектің,
Келіпсіздер ұшып көктем шағында,
Аңсай күтіп жолыңызды күзеттім,
Сайра, сайра, – менің алма бағымда!

Толық

Мезгіл

  • 0
  • 0

Мінезіңді кім білген
Жүйрік мезгіл қызықсың,
Жас кезімде мен жүрген
Құмға басқа із сызыпсың.

Толық

Қарап көріңіз