Қоштасу

Жүзіңді сенің нұрлы ақырғы рет
Ойлаймын құшудың бір сәтін тілеп,
Оятып арманымды жан түбінен,
Қаймығып, қайғырып та, жүдеңкіреп, –
Ғашығын еске алғысы келді жүрек.
Зымырап жасымыз да өтті, өзгерді.
Бәрі өзгерді, өзгертті ол біздерді.
Міне енді, күнгірт тарттық сүр қабырдай
Ақының салқындықтың лебін сезді,
Сен үшін досың да өшті болған ізгі.
Қабыл ал, алыс досым, тілегімнің
Сұраған кешірімін жүрегімнің,
Тұл қалған жабыраңқы бейне жардай,
Тұрғандай құшағында бір-бірінің,
Алдында айдалуға жүрер күннің.