Аурудан соң

Айықтым мен, айлар бойы басымнан
Торлап тұрған тұман түні сөгілді.
Маңдай терім, таң алдында шашылған
Бейне мөлдір шық секілді көрінді.
Көзімді аштым, дүние жайнап, сейілді,
Шаттық бөлеп тұрғандай бір жан-жақты.
Сонша әсерлі, жаңа көріп өмірді,
Тұңғыш рет басқандаймын аяқты.
Алтын жастық, махаббатың өзі бір
Нұр бейнесі секілденіп қасымда,
Жалт қарасам, – аурухана қызы тұр
Мамық қолын тосып менің басыма.

Октябрь, 1943

---