Корейская косметика премиум класса

Мейірім

Менде мейірім көп!
Қанша керек? Алыңдар!
Қатып қалған жүректерге...
Уыстап кеп салыңдар!
Қастасқандар достасқанша...
Ал туыстар ұғысқанша...
Қызғаныштар жылысқанша...
Жылы сөзім таусылмайды нәрі бар!

Менде мейірім көп!
Қызуы ыстық оттан да!
Суып қалған сезімдерге шоқ сал да,
Қыздырыңдар... тоң боп қатқан
Реніштер...
Еріп кетсін көңілдерде сақталмай...!

Менде мейірім көп!
Кімге керек..? Сұраңдар!
Жүректе​ - нұр, ал тілімде - Құран бар!
"Иман"- деген, шуағым бар ішімде​ -
Жарығыма жақындаңдар,​ тұрмаңдар!

Айналаға тимесін деп зияны,
Мені тілім, ғайбат сөзден тияды!
Адамдардың ең жаманын алып кел -
Ол да менің мақтауыма сияды...!
Жек көретін сезім менде жоқ мүлдем,
Бар да шығар... байқамаппын тек әлі...
Шыншылдығым ұстап қалса бірақ - та,
Биязылық мені өзінен қуады...
Бірақ қанша жусам-дағы кетпеді,
Жүзімдегі мейірімнің шуағы...!

Гүлмекен Қасенбай
15.01.2021


Қарап көріңіз


×