Өлең, жыр, ақындар

Біздің стан

  • 29.07.2022
  • 0
  • 0
  • 998
Жаңа тұрмыс қалайды.
Айнала жау
Шабуға көз қадайды.
Уақыт күтіп,
Қанжар тұтып,
Демін жұтып,
Көзіңді аңдып,
Қан тырнағын жалаңды.
Іште де бар
Шарлатандар, күшіктер,
Тон жамылған
Жорғалаған бүшіктер,
— Соны да бақ
— Соны да қақ,
— Бет қақпасан
— Күшік өсіп күшіктер.
Қырағы көз,
«Қалғып кетті!..» дегізбе
Жау тұмсығын
Шекке жақын енгізбе!
Айнала жол,
Айнала шөл!
Биікте бол,
Сен, Альбатрос,
Жерде, көкте, теңізде!..
Айнала жау
Сақ бол күзет, жалықпа,
Жерде, көкте
Кірпік қақпа, қалықта!
Оқты сайлап,
Допты майлап,
Тас қып байлап.
Бейне Альбатрос,
Көкте гүрлеп шарықта!..
Қай жағыңнан
Шықса да жау, қай дүсір,
Найзағайша ат,
«Төбесінен сай түсір!..»
Жарқ-жұрқ отпен
Алмас оқпен,
Жанған шоқпен
Ер Альбатрос,
Дұшпанға мерт жай түсір!

Алматы, 1932 жыл, 27 қыркүйек



Пікірлер (0)

Пікір қалдырыңыз

Мен

  • 0
  • 0

Сол майданда
«Болдым, — демен, — ірі едім,
Біркелкі лек ішіндегі дыры едім...»
Бірде атты қос,

Толық

Туған жерім – өз елім

  • 0
  • 8

Қайғы ойлаттың естен кетпей туған жер,
Қаны қашты, әм сарғайды ет пен тер.
Сені ойласам ішім күйер қапа боп,
Жүрегімде түйіншектей қайғы шер.

Толық

Анамның хаты

  • 0
  • 0

Байғұс ана хат жазыпты,
Депті «балам сағындым»,
Ұмыттың ғой бізді тіпті,
Бір келмедің неғылдым?

Толық

Қарап көріңіз