Қайрат Рысқұлбековке арнау – Гүлмекен Қасенбай

Құрбандық

Жазықсыз жапа шекен арлан ерім,
Жаның - нәзік, намысты ақын едің.
Жиырма жаста ел үшін құрбан болып,
Қорқаулардың қолынан қаза болдың.

Тәнің өлді, есімің мәңгі қалды,
Кеше соттап, ал бүгін ақтап алды.
Бар жазығың — суретке түсіріпті,
Арашалап жүргенде аруларды.

«Ұрма»-деген сөздерің дұшпан болып,
«Кісі өлтірді»-деп жалған шулады орыс.
Өз арысын, өзгенің мәйкесіне,
Буындырған тарады КСРО-мыз.

Өлеңдерің кітап боп жарық көрді,
«Халық қаһарманы» деп атақ берді.
Ескерткішің ашылып, әр қаладан,
Орден берді, атыңа көше берді.

Бірақ анаң Қайраты сөз болғанда,
Жиі құлап қалатын, жаны ауыра.
Марапатқа лайық мұндай ана,
Бейбіт күнде ұл туған құрбандыққа!

Гүлмекен Қасенбай
12.12.2022