Корейская косметика премиум класса

Кешір өмір

-Бар күшіңді жақсылыққа арнайтын
Жан едің ғой қиындыққа сынбайтын.
-Кешір өмір, тағдыр жазса бірақ та
Мықтының да кезі болар жылайтын.

Дәулет болса, алтыннан үй құрайтын
Ішін кілең күміспенен сылайтын
Кешір өмір, тағдыр жазса бірақ та
Байдың да бір кезі болар сұрайтын

Інелік те торға бір күн ілінер
Жүйріктің де кезі болар сүрінер
Кешір өмір, тағдыр жазса бірақ та
Алып тау да түптің түбі үгілер

Өмірге еш ренішім жоқ нетейін
Бақытты да сезінбей-ақ кетейін
Кешір өмір, мен өлсем де бірақ та
Өлмейтұғын өлең жазып кетейін


Қарап көріңіз