Махаббаттың қызықты мол жылдары

Махаббаттан жүрегім жылап қалды
Шарапсыз-ақ мас болып, сыр ақтарды
Тағдырыма бұйырмапсың бірақ та
Сені сүю жүрегіме ұнап қалды

Мен мүмкін Төлегеннің ұрпағымын
Сезім емес, қайғының жұрнағымын
Шын сүюді әлі де сезінбеген
Жауапсыз махаббаттың құрбанымын

Естеліктің орнына сағым бердің
Соққылардан ұстай алмай жанымды еркін
Махаббаттың сұрапыл майданында
Қарапайым қатардағы жауынгермін

Мен өзіңнен естідім бөлек үнді
Білмеймін қайта оралып келеріңді
Өзгелер отау құрып жатқанында
Мен жүрмін жазып әлі өлеңімді

Мүмкін менде шын махаббат болмады
Әлі маған ашылмаған сырлары
Абай айтқан қайда екен расында
Махаббаттың мол қызықты жылдары

---