Жанартаудай жанымды өртейді өлең (Мұқағалиға арнау)

Жанартаудай жанымды өртейді өлең
(Мұқағалиға арнау)

Жанартаудай жанымды өртейді өлең,
Нұр алып, шабыт алып бір өзіңнен.
Жүректегі жырменен кесте қылып,
Жалғасытырып жазайын мен де өлең.

Қайталанбас басқада жоқ тұлғасың,
Қазақ елі Мұқағали деп жырласын.
Қалай мақтан болмаймын жеріммен,
Топырағымда өзіңдей ұл туғасын.

Жырларынан махаббатты түсінгем,
Ақ параққа жүрек сырын түсірген.
Мұзбалағы бір туатын ғасырда,
Өзге ақындар бола алмайды көшірмең.

Самғайтұғын өлеңнің мұзбалағы,
Сіздің жырмен жүрегім мұздамады.
Ақ көңілмен ұрпағың қалам ұштап,
Жүрегінен суырып жыр жазады.

Жырымменен ықыласты сізге деген,
Жаудырайын, бір марқайып қалсын деп ем.
Шығармасам шабыт берген жырларды,
Жанартаудай жанымды өртейді өлең.