Тұғырлы Тәуелсіздік – AliyaBirjanqyzy

Тәуелсіздік аңсаған ата-баба арманы,
Тәуелсіздік бүгін де үмітімді жалғады,
Сан тараулы қиындықпен келген соң
Бізге әркез қымбат қой оның әрбір тармағы.
Тәуелсіздік ешқашан оңайлықпен келмеген,
Қанша батыр майданда елі үшін терлеген.
Отан үшін оққа түсіп, опат боп,
Ел намысын жау қолына бермеген.
Елім менің еркіндікке жаралған.
Сан ғасырлық тарихымнан құралған
Ата-бабам салып кеткен сара жол,
Кешегі мен бүгінгіні жалғаған.
Енді ешқашан қантөгістер болмасын,
Ата-баба рухы әркез қолдасын.
Зор еңбекпен,зор құрметпен аталған,
Тәуелсіздік тұғыры жығылмасын!