Саран

Тарихтан сыр шертерлік Саран аты,
Көрінер ғажабы мен ғаламаты,
Бір ғасырлық мұрағаты сақталған
Ішкі әлемге еліттіреді шапағаты.

Жүз жылдық тарих ізін сақтай алған,
Болашақтың даңғыл жолын бастай алған,
Қанша шәкірт, қанша студент түлеп ұшты,
Колледж атын, үмітін ақтай алған.

Тұнып жатыр өзіңде білім неткен,
Атыңды шығарамыз биік көктен,
Қазақтың сол жастары оқысын деп,
Әлихан, Ахметтер ашып кеткен.

Білімнің кемеліне жол ашқансың,
Студенттің бағы боп жолыққансың,
Өзіңе келген әрбір шәкіртіңді,
Тау тұлғадай кемеңгер ғып шығарғансың.

Бүгін де біз де сенің шәкіртіңбіз,
Ұмтылдық білім жолына әрбіріміз,
Асқақтатып атыңды Саран деген,
Артыңнан қалар мәңгі өшпес бұл із.

Атыңды өлеңіме арқау еттім,
САРАНЫМ сара жолда самғап кеттің,
Бір ғасырға татитындай ғұмырыңда,
Тарихта өз жолыңды салып кеттің .

---