Жалғызбын деме – Ержан Қабышұлы Қабанбай

Жалғызбын деме, жан азабына күйсең де,
Жалғызбын деме,жалқының қамын ішсең де.
Жалғыз емессің, мына әлем бәрі - сен үшін,
Қадірлей алсаң, кем емес күйің ешкімнен.

Кедеймін деме, сынағың болар қамшылар,
Көлді құраған кішкентай ғана тамшылар.
Тірнектеп жиған адал асыңа баға жоқ,
Жамандық келсе алдыңда жар боп ар тұрар.

Бақсызбын деме, қиялдан алшақ аспасаң.
Үміт бұлағын, білек сыбанып ашпасаң.
Төңірегіңде айналшықтауға уақыт жоқ,
Қайдан білесің? Алғашқы қадам баспасаң.

Ержан Қабышұлы / Bura-Naiman