Азап – YernarD

Ұмыт мені, шығар мені есіңнен,
Естелік те қалмаса екен менің ғашық кезімнен.
Сыңай таныт көрмегендей ешқашан,
Ғашықтықтың асау отын жүзімнен.

Сыңай таныт танымастай сен мені,
Жақындама енді тіпті бір елі.
Салма енді жанарыңды мен жаққа,
Азап шексін, ыстық жүрек мендегі.

Ал сен жазыл, қайта ашылшы гүл болып,
Тұрса екен көздеріңде нұр толып.
Болмаса екен, ешбір жара көңілде,
Секундың да өтпесе екен мұң болып.