Қазақпыз біз – Гүлмекен Қасенбай

Тәуелсіздік күніне арналған тақпақтар


Қазақпыз біз,​ азиатпыз түркі тек,
Пырақ мініп,​ қымыз ішкен,​ туы — көк.
Қонақ келсе бар дәмдісін ұсынар,
Қолы ашық​ жомарт елміз,​ ас та төк!

Салт-дәстүрі тұнып тұрған тәрбие,
Әуеніне ғашық болған кең дүние.
Табиғатпен,​ тау мен таспен үндескен,
Мінезге бай,​ момын елміз өзгеше.

Ежелден-ақ шалбар киген халықпыз,
Жылқы мініп,​ алтыннан зер тағыппыз.
Тұлпарының дүбірінен күллі әлем,
Қауіптенген Сақ-Ғұнның ұрпағымыз!

Еуразияның жүрегіміз дәл қазір,
Алашорда аңсаған күн қолда тұр.
Абай,​ Ыбырай, Шоқан,​ Мұхтар арманы,
Тәуелсіздік,​ бейбіт өмір, жасай бер!

Г. Қасенбай
03.05.2023