Сар дала

Сар дала, сағым жортқан, құба белім,
Қия алмай мойнымдағы бұра бердім.
Кір жуып, кіндік қаны саған тамған,
Бабамның бабасының тұрағы едің.
Сар дала, сағым жортқан, құба белім,
Мен өскен шыбығыңнан шынар едім.
Бер дағы ақ батаңды, аттандырып,
Сәт сапар саулығымды сұра менің.
Сар дала, сағым жортқан, құба белім,
Мөлтілдеп жанарыма тұна бердің.
Келгенше қайта айналып қош, аман бол,
Бақ қонған, қасиетті мұра-кенім.

---