Өлең, жыр, ақындар

Сен сарғайдың мың мұңға, мен қайтем...

  • admin
  • 22.04.2024
  • 0
  • 0
  • 145
Сен сарғайдың мың мұңға, мен қайтем?
Жапырақ-ай, өлермісің, не етерсің?
Аспан ана көз жасына жуынып,
Сен де бір күн үзілерсің, кетерсің.
Жапырақ-ай, сағынған сол жоқтаған,
Ауру дала бір күрсініп жөтелсін.
Жапырақ-ай, қай күз екен белгісіз,
Мен сарғайсам, мені өлтіріп өтерсің.
Қалқам, соны неғыласың деймін ау,
Дәл өзіндей құмартқанда гүлге қыз.
Сізге оданша жапырақты сыйлайын,
Бұл мезгілдей жүрегімде күнде күз.
Сіз сарғайып меніменен кетерсіз,
Жапырақтай ғұмырымда сүрсеңіз.
Жапырақ-ай, үзілсек те бір болып,
Көктем келсе, бүр жарайық бірге біз.



Пікірлер (0)

Пікір қалдырыңыз

Жаз жанарындағы жас

  • 0
  • 0

Қалада: бұлыт исі, мұң исі.
Жаздың да алақаны сарғаяр
сүртем деп күздің жасын...
бұ несі,

Толық

Мен ғашықпын өмірге

  • 0
  • 0

Сезімменен тұтатсам жыр, жақсам сыр,
Қия алмай тұр тас түнекке ақшам нұр.
Мына мені, бұл қаланы кірлеген,
Хәлін айтып жылап жатыр ақ жаңбыр.

Толық

Ақ көйлек киген Ай...

  • 0
  • 0

Белгілі ғой, белгілі жайым менің,
Жапыраққа үрлейді қайың демім.
Ақ жүзінен аппақ нұр шашыраған,
Аппақ көйлек киінген Айым менің.

Толық

Қарап көріңіз