Өлең, жыр, ақындар

Әдейі сары шымшықты міндім ұстап

  • admin
  • 19.07.2024
  • 0
  • 0
  • 343
Әдейі сары шымшықты міндім ұстап,
Қолыма ұзын шыбық мықтап ұстап,
Сайланып ауыл жақтан аң аулауға,
Қусырып, екі жақты қайшы ұстап.
Алдымнан қызыл түлкі қыран қашты
Шырылдап, сары шымшығым сырын шашты.
Білді де аңға түлкі қуғанымды,
Құйрығын бұлаңдатып, жалт-жалт қашты.
Жетем деп сары шымшықты санға ұрдым,
Қызығып, түлкі, қызыл қанға қыздым.
Тепкілеп екі бүйір, шана толып
Жорта алмай жол шаңынан қалған едім.
Шымшығым астымдағы қорқау болды.
Жұлынып мойын омыртқа жалқау болды.
Көтеріп ел жағыма жеткізе алмай,
Соғымға бір қыстыққа толған болды.
Бір күні Андижанға бармақ болдым,
Киініп, ат-тонымды жимақ болдым.
Алдырып құмырсқа мен жолбарысты
Шақырып қарға, құзғын бұзбақ болдым.
Келемін ыңырсытып жердің жүзін,
Алуға өз қолыма үрдің қызын.
Ұрысып бір мың бес күн Андижанмен
Көре алмай, ақырында, ханның қызын.



Пікірлер (0)

Пікір қалдырыңыз

Ой, сәулем

  • 0
  • 0

Айналайын, қарағым, құлыным-ай, ау,
Бауырыңда көп жаттым тығылып-ай, ой, сәулем.
Хош аман бол, ой, сәулем,
Көргенімше енді-ау мен!

Толық

Ерке шақ

  • 0
  • 0

Айналайын, қарағым, орта бойлым,
Сары майдан айырып торта қойдым,
Еркем-ай.
Таста, қалқам, ойынды,

Толық

Жан қалқатай

  • 0
  • 0

Дәйім менің мінгенім көгілдірік, көгілдірік,
Көк дөненге жарасар өмілдірік-ай.
Жерің шалғай кеткенде құрбыластар, құрбыластар,
Осы әніме сала жүр төгілдіріп-ай.

Толық

Қарап көріңіз