Өлең, жыр, ақындар

Амазондықтар шеруі – аманат

  • 31.12.2021
  • 0
  • 0
  • 490
Орман жатыр оталып, алаңқайлар кеңейіп,
Табиғатты санайтын «жоқтаушысыз өгей ұл»,
Мұң-мұқтажы бітпейтін тойымсыз көз,
ұры - аты,
Адам қолы кеседі жасыл өмір-орманды
Бөрене ғып құлатып!
Жатыр дейді адамзат, амазондық ағашты
мұқтаж болып сұратып...
Қажеттілік қойсын ба,
Жайратады, я, пірім-ау, қара орманды сұлатып...
Шерулеп ел келеді, төбесінен күн шағып,
Табиғатқа тамсанған келімсекке мұң шағып.
Әлем кезген жиһангер, таза білем ниетің,
Жеткіз дейді көп жұртқа, тілін өзің білетін,
Жалғыз мұң бар біздерде – арашашы іздеуге
Шаруа көп, сытылып шығу қиын біздерге...
Жалғыз мұң бар дедік қой, бала өсіріп отыр ек,
Жасыл орман болмаса, тұқым құрыр, сетінеп...
Жүрген жерде осыған сауға тілеп жүргейсің,
Аз күн дәмдес болып ек... ескергейсің соны тек.
Қоштасарда қимады, тілектес жатжерлікті,
Аманаттап мұқият, ерге сенді ел мықты.
Күтер, сөзсіз ... күтеді,
Айтары анық, жеткізе,
Аманатты тыңдайтын
Құлақ қалсын деп тіле!!!



Пікірлер (0)

Пікір қалдырыңыз

Дос дегенің...

  • 0
  • 0

Дос дегенің күнде қарап, жалықтырар айна емес,
Дос дегенің шытырлатып санап алар пайда емес,
Көлеңке боп еріп жүрсе, нағыз досың ол да емес,
Дос дегенің қанжығаға байлап жүрер олжа емес.

Толық

Күз

  • 0
  • 0

Естілмейді селдір сары
жапырақтар сыбдыры,
Жел уілі басым түскен
сұрғылт қабақ күз күні.

Толық

Сөзімнен нәр ала алсаң...

  • 0
  • 0

Сөзімнен нәр ала алсаң тамшыдайын,
Жолыңда бұлағың боп аршылайын,
Шөлдесең, тұма болып тұна қалып,
Керексем, шөлің басып сарқылайын.

Толық

Қарап көріңіз