Өлең, жыр, ақындар

Арғымақ аттың белгісі

  • admin
  • 28.08.2024
  • 0
  • 0
  • 560
Арғымақ аттың белгісі
Иесін жауда қалдырмас.
Қуғанда жетер ұзатпай,
Алдына қара салдырмас.

Тұлпар аттың құйрығы,
Сатса жібек, кессе қыл.
Шаһыбаз жігіт белгісі,
Түзде мырза, үйде құл.

Жүзі қараның сылдыр сөзі,
Су түбіне кетірер.
Қыздырманың қызыл тілі,
Сүйгеніңнен кетірер.

Қарап тұрсаң әлеумет,
Ғадыл бидің кегі жоқ.
Білімді туған жігіттің,
Әрбір істе кемі жоқ.

Ғазазілдің сөзіне ерсең,
Басыңа бейнет болады.
Жанашыр бөз берсе,
Үстіңе көйлек болады.

Мырзаға бақ жарасады,
Батырға жақ жарасады.
Аталы ерден ұл туса,
Жақсыларға жанасады.



Пікірлер (0)

Пікір қалдырыңыз

Ақсауыт деген сол болар

  • 0
  • 0

Ақсауыт деген сол болар,
Атқанда оқ өтпесе.
Ақберен деген сол болар,
Қожаберген жырау

Толық

Отбасының ұйытқысы

  • 0
  • 0

Келінге өсиет
Отбасының ұйытқысы,
Қайын атаң мен қайын енең.
Қожаберген жырау

Толық

Наурыз батасы

  • 0
  • 0

Наурыз батасы
Мұсылманда жылдың басы-наурыз айы,
Айтылған тауарихта оның жайы.
Қожаберген жырау

Толық

Қарап көріңіз