Есілдегі Астана

Қоштасып қарт Алатау астанамен,
Көш тартты Сарыарқаға басты мәрем.
Ақ орда мәртебелі Ақмолаға,
Сәт тілеп, байтақ елім айтты сәлем.

Қайырмасы:
Арал, Каспий, Ақ Жайық,
Қызыл Орда қол жайып
Бата берді жас қала!
Алтай, Ертіс, Атырау,
Құтты бол! – деп жатыр-ау,
Есілдегі Астана.

Бұл күнде бүкіл әлем таныс маған,
Көшіме көлік қосты ғарыш-ғалам.
Қалықтап қанат жайды ақ арманым,
Азаттық ақ жолында қарыштаған.

Қайырмасы

Бастасам асыл әнді ақ жүректен,
Астана нұрың жансын ақ тілектен.
Көгілдір туым жайнап желбірей бер,
Қазақты жер шарымен тату еткен.

Қайырмасы

---