Сән, Талдықорған

Гүл жайнап өңі,
Жасанып тұрған,
Шаттанып елі
Салтанат құрған.
Тәж киген әсем
Шапағат нұрдан,
Көрікті көркем – сән Талдықорған!

Қайырмасы:
Сән Талдықорған,
Ән Талдықорған.
Паң Талдықорған,
Таң Талдықорған.

Арайлы әр таң,
Бүгін мен ертең.
Дарасың дархан
Жерұйық өлкем.
Тал бесік тербеп,
Бақытқа бөлеп,
Өркенде ордам,
Көшелі көркем.

Қайырмасы

Ауасы жұпар,
Шалғыны кілем,
Бұл жерде тұрар
Жақсы жұрт кілең.
Жыраққа шығып,
Алыстап кетсем,
Өзіңді аңсап,
Сағынып жүрем.

Қайырмасы