Өлең, жыр, ақындар

Тату елде

  • admin
  • 24.09.2024
  • 0
  • 0
  • 327
Ертегі

Сенесің бе,
Сенбейсің бе,
Бір купеде,
Көрмейсің бе,
Келе жатыр –
Бас қосқан.
Шүйіркелесіп,
Әңгіме айтып,
Сырласады
«Сіз» десіп,
Бірін-бірі
Енді қайтып,
Торымайды,
Із кесіп…

Сенесің бе,
Сенбейсің бе,
Ит пен мысық
Достасқан.
Бір үстелде,
Көрмейсің бе,
Тамақ ішіп –
Бас қосқан.
Өте жақын
Туыстастай,
Екеулері
Болыпты.
Бірін-бірі
Қуыспастай,
Өштіктерін
Қойыпты…

Қасқыр мен қой
Достасқан.
Сенесің бе,
Сенбейсің бе,
Түлкі,
Тауық
Достасқан.
Жүр далада,
Көрмейсің бе,
Емін-еркін –
Бас қосқан…
Жүруші еді
Бұзып шырқын,
Жемін іздеп
Тауықтан.
Бұл күндері
Қызыл түлкің,
Қойды әдетін –
Жауыққан…

Бәрін, бәрін
Біріктіріп,
Болдырмайтын
Тосын жай,
Тату елде
Біліктілік
Деген, міне,
Осындай…



Пікірлер (0)

Пікір қалдырыңыз

Отырмын

  • 0
  • 0

Бар кiшкентай мысығым,
Көздерiнiң қысығын!
Жұмсағын-ай жүнiнiң,
Титтəйiн-ай тiсiнiң!

Толық

Орашолақ

  • 0
  • 0

Мынау бiздiң Доңқабақ
Шеберлiгi ұстады.
Дəу пышақпен жаңқалап,
Қарындашын ұштады.

Толық

Ақылдысы кім болды, ақылсызы кім болды?

  • 0
  • 0

Бiр бала бар, көрсеңдер,
Мақтанғанды жаратыр.
Мақтанғысы келсе егер,
Былай деп ой таратар:

Толық

Қарап көріңіз

Басқа да жазбалар