Өлең, жыр, ақындар

Таусылмайды белестер

  • admin
  • 30.09.2024
  • 0
  • 0
  • 184
Таусылмайды белес-белес жон да әлі,
Ел іздейсің аунап-қунап қонғалы.
Алты қырдың астынан бір ән келсе,
Алдыңдағы қазақ аулы болғаны.

Қарт келеді құрық ұстап қолға әні,
Қыран құстай асау тайға қонғалы...
Қадірлі бір қонақ келіп қалды деп,
Құрақ ұшса, біздің атай болғаны.

Күнде алдыңнан кездесетін көл, кәні,
Бір жағынан қысқан шығар шөл-дағы...
Сар зереңмен сусын ала жүгіріп,
Бәйек болса, біздің әжей болғаны.

Таусылмайды белес-белес жон да әлі,
Ел іздейсің аунап-қунап қонғалы...
Қайда жүрсең, құшақ жаяр алдыңнан
Қазақтарды ұмытпасаң болғаны!



Пікірлер (0)

Пікір қалдырыңыз

Достарым

  • 0
  • 0

Достарым - Сағи Жиенбаев
Мен әрқашан жалғыз өзім жүрмеймін,
Жалғыз жүріп, жалғыз өмір сүрмеймін.
Жер-жердегі достарымды санасам,

Толық

Оң аяқ

  • 0
  • 0

Күн ұзаққа шөп шауып,
малды бағып,
Таң алдында жантайып қалғып алып,
Отыратын бір мезгіл кілең жесір

Толық

Ана

  • 0
  • 0

Ана
Дамылдап өзендер де,
Күн батып, күн шығады,
Сағи Жиенбаев

Толық

Қарап көріңіз