Бота көзді көлдерім

Жас кеттім, мен өзіңнен жалғыз кеттім,
Жаныма жарық болар таңды іздеппін.
Құлшынып, қия белде қиял қуып,
Кеудемнен қоңыр сазды әнді үзбеппін.

Қайырмасы:
Бота көзді көлдерім,
Боз жусанды белдерім,
Алыс-жақын жүрсем де, туған жер,
Аңсағаным сен менің.

Талпындым, өрге шықтым, құлдырадым,
Үйрендім ерке назды бұлбұл әнін.
Кеудемде күндіз-түні жырласын деп,
Таулардың құйып алдым мың бұлағын.

Қайырмасы:
Даламның араладым белесін көп,
Кеудемді қоңыр сазбен бөлесін деп.
Талпындым таудың биік қиялына
Туған жер мені жасық демесін деп.

Қайырмасы:

---