Өлең, жыр, ақындар

Дәурен-ай

  • admin
  • 01.10.2024
  • 0
  • 0
  • 181
Армысың, аманбысың, күлімкөз еркем,
Көктемде шешек атқан гүлдей көркем,
дәурен-ай.
Бойында бір міні жоқ ақ періштедей,
Бағына тап боларсың кімнің ертең,
сәулем-ай.

Қайырмасы:

Мөлдіреген қара көзің,
Балдай тәтті айтқан сөзің,
Шіркін-ай, дәурен-ай,
Дәурен-ай, сәулем-ай,
Ақ жүзіңнен таң атқандай
Алтын нұрдан жаратқандай,
Бір өзіңе жақын келіп, жақын келіп,
Жүрген жанда арман бар ма,
сәулем-ай.

Еркінен айрылғандай қараған адам,
Ақ бетің, алаулаған, албыраған,
дәурен-ай.
Сәбидей сенген мынау кең дүниеге
Көзіңнен айналайын жаудыраған,
сәулем-ай.
Сендей бір жан болар ма мынау ғаламда,
Тұратын жарық беріп бар адамға,
дәурен-ай,
Жүретін жадыратып жан-жүрегіңді
Жалт етіп жанарыңмен қарағанда,
сәулем-ай!

Қайырмасы:



Пікірлер (0)

Пікір қалдырыңыз

Апатайым – алтын айым

  • 0
  • 0

Апатайым – алтын айым
Қарғашымды тербетсін деп,
Сен айтпаған ән бар ма?
Сағи Жиенбаев

Толық

Алматы көктемі

  • 0
  • 0

Алматы көктемі
Албырт толқын алқынады жаныңда,
Асау сезім талпынады жалынға.
Албырайды, алаулайды ақ жүзің,

Толық

Домбырамды сыйламаймын ешкімге

  • 0
  • 1

Домбырамды сыйламаймын ешкімге
Ахмет Жұбановқа - Сағи Жиенбаев
Айдын көл де аққу-қазды жинаған,
Көк теңіз де күндіз-түні тулаған,

Толық

Қарап көріңіз