Өлең, жыр, ақындар

Туған ел көріністері

  • admin
  • 19.11.2024
  • 0
  • 0
  • 381
Теңесем туған елді ақ қайыңға,
Демеймін ескі әдепті сақтайын да.
Түбінде сол қайыңның бейіт жатыр,
Жазылған анам аты тақтайында.
Көкірек ойда жоқты қиялайды,
Көзге ыстық көп көрініс ұялайды.
Сағынып кетем кейде қыз сыйлаған
Бес саусақ жұқа түбіт биялайды.
Бір ән бар ауылдастар шуылында,
Бір сән бар ауыл қызы бұрымында.
Бір мән бар аттанарда қоштасқанда
Қолының қолда кетер жылуында.
Жанданам құйын­желдің алдында да,
Таңданам аңыз жатса қарлы дала.
Шөп шапқан шалғы сілтеп бала кезде,
Құмармын бұйра толқын шалғынға да.
Көп сыр бар алғаш ашқан «Әліппеде»,
«Отан» деп сөз құраған әріпте де.
Бәрін де сыйғыза алмай ойда бардың,
Қараймын өлеңіме кәдіктене.
Кім айтар деп, шырағым, осың бекер,
Жеңіл сөз неге керек өшіп кетер?
...Ей, достым, машинаңды баяу жүргіз,
Көлдегі жалғыз аққу шошып кетер.

1977



Пікірлер (0)

Пікір қалдырыңыз

Жезқазғаным – Қаныштың жан­жүрегі

  • 0
  • 0

Қанышы бар қызық қой өмір деген,
Қанаттанып, күш алып көңілденем.
Атын айтсам алыстан бой тастайды
Таңғажайып белестер көрінбеген.

Толық

Жанымды жалған сөзге жалдай алман

  • 0
  • 0

Жанымды жалған сөзге жалдай алман
Болмапты қайсымызда қандай арман?
Махаббат сәтті­сәтсіз кезін айтпай,
Кәкімбек Салықов

Толық

Сұлулық ұмытуға көнбейді екен

  • 0
  • 0

Сұлулық ұмытуға көнбейді екен
Көз шалса жанарыңды тостағандай,
Ұмыттым келгенімді жасқа қандай.
Кәкімбек Салықов

Толық

Қарап көріңіз