Өлең, жыр, ақындар

Біржан салдың Жанботаға айтқаны

  • admin
  • 24.11.2024
  • 0
  • 0
  • 381
Жанбота, мені шенеп майырмайсың,
Тоқымды шаптан тартқан айылдайсың.
Хан-төре үмбетінен айырғанмен,
Туған ел құрметінен айырмайсың.
Жанбота! Қырындамай бермен қара,
Деп жүр ғой жаңылған ел сені дана.
Күнде алдап бар қауымның есін алдың,
Шошытқан жоқсың жалғыз мені ғана.
Атыңның қызыққам жоқ озғанына,
Жан-жағың кетіп жатыр өз қамына.
Теңіздей терең тартып толғанамын
Күйініп туған елдің тозғанына.
Шындықты шыры таза құптар халық,
Нәсілін сен қинадың ұқпай қалып.
Күрсінем, өзге ағайын оза тартып,
Жүдеген жалғыз үйдей жұртта қалып.
Үйірде тепкі көрген тайымдайсың,
Жөн білмей, құрғақ сөзді жай ырғайсың.
Сен мені бүгін төрден айырғанмен,
Туған ел жүрегінен айырмайсың.
Біздің ел заманында ірі ел еді,
Қылығың оңбастай қып дүреледі.
Білмеймін, аласапыран дүние-дүрмек
Қай күні, қайда барып тіреледі?..



Пікірлер (0)

Пікір қалдырыңыз

«Гауһартасты» шырқашы

  • 0
  • 0

Жаның сұлу нәр алған жалыныштан,
Әнің сұлу әу десең алып ұшқан.
Оралғандай қыз қалпың үзілтесің
«Гауһартасты» жаралған сағыныштан.

Толық

Адамшылық азайып бара жатыр

  • 0
  • 0

Адамшылық азайып бара жатыр
Өзгерсе өмір жаңғырған тысқы қалпы,
Кей ожардың ойлантты ішкі салты.
Кәкімбек Салықов

Толық

Үкілі Ыбырай ауылындағы тебіреніс

  • 0
  • 0

Тіршілік, кей сырыңды біліп едім,
Ескермей еркелікпен жүріп едім.
Егделік етек­жеңді тарылтты ма,
Көп достар, естілмейді дүбірлерің.

Толық

Қарап көріңіз