Үшқара

Үшқара, баурайыңда ойнап өстім
Туысқанмен алаңсыз өмір кештім.
Жерұйық – алтын бесік артта қалып
Қимай сені көшпен бірге менде көштім.

Ауылым, сені көрсем елжіреймін
Ел – жұртқа амандық пен бақ тілейін.
Сыйласып дос - жаранмен ән шырқайық
Бұл жалған өтіп кетер бір күндейін.

Үшқара, сені көріп биіктеймін
Сағыныштан өзіңе жүйткимін
Асықсам, баурайыңа асығармын
Желменен жарысқан киіктеймін.

Айналайын, мамыражай алтын өлкем
Өзіңді күнде көру арман екен.
Мен саған түбінде бір оралармын
Балалығым қалып қойған құтты мекен.

---