Өлең, жыр, ақындар

Адрессіз хат

  • 07.02.2016
  • 0
  • 0
  • 2265
Жол жүруге жиналып,
Тұрды біздің факультет...
Көп ішінде ұялып,
Қоштаспадым, ғафу ет...
Кездік талай даланы,
Көрдік талай қаланы.
Талай рет тауда өтті
География сабағы.
Қолда глобус — жер шары,
Араладық жартасты.
Институт кең залы
Табиғатпен жалғасты.
Поезбен де жүрдік біз,
Жер танабын қуырып.
Кемемен де жүздік біз,
Толқындардан сыр ұғып.
Барлық жүрген ізімді
Баяндармын ай кейін.
Көрмеген соң көзіңді
Қызықтырып қайтейін...
Міне отырмыз сүйікті
Жағасында Волганың.
Тынық Дон кеп құйыпты,
Тұр алысып қолдарын.
Жұлдыз болып түскендей
Жағадағы тастарға.
Атылады күш керней
Толқындары аспанға.
Құшақ жая қуанып,
Екі өзенге көріскен.
Атын қатар суарып,
Тұр бір қазақ орыспен.
Адресім белгісіз,
Айта алмаймын деп хат жаз.
Аттанғалы біз тұрмыз
Алда Қырым, қарт Кавказ.
1952



Пікірлер (0)

Пікір қалдырыңыз

Дауыл алдындағы тыныштық

  • 0
  • 0

Шекаралық бағандар
Тұр ұқсаған солдатқа.
Айнала тас, тау заңғар
Иран жатыр ар жақта.

Толық

Көл демі

  • 0
  • 0

От боп шарпып жел лебі,
Бу боп ұшты көл демі.
Түсті таңда
Бір шық боп,

Толық

Айдарлыда айдарбай

  • 0
  • 0

Алғашында Айдарлы,
Тау екен бір айбарлы.
Сай тасындай сансыз қол,
Салды бір күн майданды.

Толық

Қарап көріңіз