Нағашым Тезекбайға

Нағашым Тезекбайға

Асқаралы 60 жас алқымнан кеп алды ма? Қара шашты кешегі бүгін қырау шалды ма? Өмір алып еншісін, ақсақалды атантып, Жастық дәурен алыста сағым болып қалды ма?

Тура берер әр жанның көзге қарап бағасын, Жаны ізгі, қадірлі елге сыйлы ағасын. Білім қуған қыздар мен жігіттерге жол сілтеп, Көңіліне дем беріп, үміт шамын жағасын.

Шаңырағың шаттыққа тола берсін нағашым, Алла өзі жар болса тоқсан-жүзге барасын. Жиендердің көзі деп шапан киіп шалқақтап, Жарқыраған алтынды саусағыңа тағасың.

Немереден шөбере сссүйетұғын кез келсін, Толмай тұрып тоқсанға тоқалдарды тез берсін. Тамырдай боп тарасын талай жерге ұрпағың, Қонғаныңды қайсына бәйбішеңіз сезбесін.

Деніңізге саулықты берсе дейміз жаратқан, Ақын едін аузыңа бар алашты қаратқан. Іздеп, оқып мұраңды өнер қуған балалар, Сусындасын жырынмен шашу етіп таратқан.

Бақытың жүр жанында іздеп әуре болмайсыз, Шын сүйгеннің белгісі қызғыш құстай қорғайсыз. Ұл сыйлаған қайратты, қыз сыйлаған қылықты, Асыл жардың айтқанын екі етпей қолдайсыз.

Жүрекжарды тілегін жырмен өрген
Қазыбек Маратұлы
Шет ауданы Ақсу-Аюлы селосы

---