Өлең, жыр, ақындар

Арша

  • 07.02.2016
  • 0
  • 0
  • 4137
(Қайнекейге)
Тосын бойы толы арша,
Тосын бойы қалың ну.
Құздарынан таласа
Құйылады ағын су.
Түк демейді, ол саған
Тоғайынан ал арша.
Шық тауына қоршаған,
Іш бұлағын қанғанша.
Бәрі тегін, ол жомарт
Тілегі бар бір ғана.
Жолаушыдан қолқалап,
Сұрайды тек жыр ғана.
1956
* * *
Аралап алыс бұлттарды,
Жағалап жалпақ даланы.
Таудан төмен сырғанап,
Күн зымырап ағады.
Күн зымырап ағады,
Ұясына қонады.
Бұлт үстінде толқиды,
Күннің қызыл жолағы.
Құз, қияны өрмелеп,
Ай туады дөңгелек.
Сырғанайды дөңгелеп
Көреді өзін көлге кеп.
Бұлдырап барып батады,
Артынша таң атады.
Бұлт үстінде толқиды,
Күннің қызыл шапағы.
Құлпырады шығыс жақ,
Күн тұрады ту ұстап.
1956



Пікірлер (0)

Пікір қалдырыңыз

Мәңгілік оты

  • 0
  • 0

Тарихын талай жас жаттап,
Болатын талай жылға аңыз.
Бір мұнара асқақтап,
Аспаннан қарап тұр жалғыз.

Толық

Қос терек

  • 0
  • 0

Тереземнің алдында
Тербетілген қос терек.
Өсіргем жаз айында,
Өзіме тұр еркелеп.

Толық

Теңіз жағасында

  • 0
  • 0

Қыз орамал бұлғайды,
Бара жатыр күн батып.
Қаспий теңіз шулайды
Толқынымен тіл қатып.

Толық

Қарап көріңіз