Бір досыма

Бір дос болған, қазір ол қайда екен?
Іздеп мені, сағынып қалмай ма екен?
Солай болса нөмірім бар ед ғой
Хабар сұрап қоңырау шалмай ма екен?

Енді қалдым сол досымнан айрылып.
Жүрмін жалғыз сорлыдай боп жай құрып.
Жоғалтқандай шайқаста Исатайды,
Махамбеттей жаным қалды қайғырып.

Қайғырмапты ол бірақ неге екенін.
Тапқан болар достықтың демек ебін.
Орын тауып жүректен жаңа досқа,
Ұққан шығар өмірден керек жерін.

Жаңа досын жүр ау бәлкім күлдіріп.
Ұмытқанда шығар мені бір күліп.
Бейтаныс біреуі болып қала берейін,
Өз ішімнен қызғанышты өлтіріп.

Жан жолдасым,Бір туған,Бауырым ау.
Түсіне алсаң мәзі емес хәлім мынау.
Бес минут жағдай сұрап соқсаң болды.
Әр қарай керек емес бәрін сұрау.

---