Өлең, жыр, ақындар

Жалған ғой, бәрі жалған, нағыз жалған

  • 13.01.2022
  • 0
  • 0
  • 677
Жалған ғой, бәрі жалған, нағыз жалған,
Ағысты арна іздедім аңыздардан.
Шырылдап шегірткелер шілде түссе,
Талықсып таң келеді тамыздардан.
Құлпырып мың бояуға тұнып тұр ма,
Құбылып құбыла тұр қырық нұрға.
Күн қалды шуақтары шашыраумен,
Ай қалды ақ сәулесі сынып қырда.
Кеш қалды сүрінумен көлеңкеде,
Өксіді өгеймін деп өлең-төбе.
Шынайы әлденені іздеп жүрмін,
Ертегі іздеуші едім мен ертеде.
Жыл қалды, күндер қалды, апта қалды,
Айта алмай аһ ұрумен аппақ әнді.
Бұрын да мына жалған шұбырынды,
Қазір де алқа көлді, ақ табанды.
Мән басқа, мазмұн басқа, тақырып бір,
Алты қыр арлан күнін шақырып тұр.
Бағана самал нұрын жаққан кезде,
Көк аспан көкшіл бояу сапырып тұр.



Пікірлер (0)

Пікір қалдырыңыз

Тойымсыздық жайлаған қапыл уақыт

  • 0
  • 0

Тойымсыздық жайлаған қапыл уақыт,
Құмға батып, қайырлап жатыр бақыт.
Көктем күні күлімдеп тұрады да,
Кенет бұршақ төгеді сатырлатып.

Толық

Сексен қыр құлаш ұрды көл бетінде

  • 0
  • 0

Сексен қыр құлаш ұрды көл бетінде,
Сексен тау діріл қақты жер бетінде.
Жабылып жырын айтты жыршы құстар
Тыраулап қайтып келіп елге түнде.

Толық

Кең далаға жаяды күз қанатын

  • 0
  • 0

Кең далаға жаяды күз қанатын,
Түрі бар-ау күні ертең сызданатын.
Көлеңкелер көбейіп көлбең қақты
Жасыл жаздың дидарын қызғанатын.

Толық

Қарап көріңіз

Пікірлер