Кешірім

​ ​ ​ ​ ​ ​ ​ ​ ​ ​ ​ Кешірім

Өмір атты қысқа ғана ғұмырда,
Бала болдым әкешім мен анама.
Қырсық-қыңыр,​ ерке-шолжаң мінезбен,
Ренжітсем..​ Кешіре гөр, Жан Ана!

Өмір атты өте шығар уақытта,
Бауыр болдым әпке,​ іні,​ ағама.
Ессіз сүйіп,​ өзімсінсем шектен тыс,
Кешіріңдер..​ Кешіре гөр..​ әпке-аға!

Өмір атты буырқанған дауылда,
Бола алмасам жақын туыс, бауырға.
Жат адамдай,​ жабырқатсам себепсіз,
Кешіріңдер,​ құда-жекжат,​ туыстар!

Өмір атты өте шығар сағымда,
Дұшпан болып әзәзіл жын,​ лағинға.
Сақтандырсам,​ шын қызғансам күнәдан,
Туысқандар бұйырмағын айыпқа!

Мен бәріңді жақсы көрем риясыз,
Ал жүрегім​ — махаббаттың ұясы.
Аз ғұмырда қанымыз бір секілді,
Бір сенімде күн кешейік шүбәсіз!

Өмір деген — ақыреттің егіні,
Шешетұғын бар тағдырын сенімі.
Тату-тәтті,​ иманды боп өтейік,
Денемізге кимей тұрып кебінді!

Қысқа өмірде шын сыйласып өтейік,
Татулықтың ақ байрағын көтеріп.
Рақымы түсіп баршамызға Рахманның,
Жәннатта өстіп, той жасауға жетейік!

Гүлмекен Қасенбай
14.07.2023

---