Мен қазақтың баласымын – Салтанат Сансызбаева

Өлеңін жазған: Салтанат Сансызбаева
Әнін жазған: Мақсат Жәутіков

Мен қазақтың баласымын,
Елім деп соққан жүрегім.
Осы далам, осы елім,
Олар сүйеу тірегім.

Мен қазақпын рухы биік,
Шежіресін жаттаған.
Мен ән салып қазағым деп,
Қазағым деп мақтанам.

Қайырмасы:

Мен қазақпын алаштың жалғасы,
Мен қазақпын өзеннің арнасы.
Қазақ елі заңғар биік тау болса,
Мен боламын сол таулардың бір тасы,
Мен боламын сол таулардың бір тасы.

Мен қазақпын сол үшін де мақтанам,
Мен қазақпын ата дәстүр сақтаған.
Мен қазақпын бауырмалдық қанымда,
Сондықтан да үлкен сөзің жат маған.
Мен қазақтың баласымын,
Қазақ болып қалармын.
Қазақ үшін суға батып,
Отқа күйіп жанармын.

Мен қазақпын тұғыры алтын,
Қазақстан отаным.
Елім үшін әр күн, әр түн,
Жер анадан от алдым.

Қайырмасы: