Өлең, жыр, ақындар

Машук тауында

  • 07.02.2016
  • 0
  • 0
  • 2021
Күн көзі ұясынан көтеріле,
Қиялдың қияға ұшып жетегінде,
Отырған ойлы ақын жалғыз өзі
Жап-жасыл Машук таудың етегінде.
Қалдырып жер бетінде келеңкесін,
Қиялы кеткен шарлап көк өлкесін.
Демондай құз-қиядан кеткен қарғып,
Бұлттардың қапсырып ап көк өркешін.
Кей кезде дауыл болып арқыраған,
Кей кезде толқын болып сарқыраған.
Кей кезде бойындағы бұлты тарқап,
Күн болып күле қарап жарқыраған.
Жүрегін намыс үшін бояп қанға,
Өр ақын өмір жолын аяқтарда,
Күңіреніп кеудесінен жалын атып,
Төсіне жасын төккен аяп тау да.
Бұлттардың атой салып қолы қалың,
Жапқанда Машук таудың омырауын,
Баяғы өлеңінше сабаз ақын,
Тұрғандай дауылға ашып долы жанын.



Пікірлер (0)

Пікір қалдырыңыз

Табa hah

  • 0
  • 0

Жазда оны жаңбырлы бұлт суарған,
Күзде оны күн пісіріп шығарған,
Жатыр алда күреңітіп таба нан
Қазақ үшін қасиетті құраннан.

Толық

Аналардың қолы

  • 0
  • 0

Алақаны сан ирек,
Айнымаған құс жолы.
Кір шайқаған, нан илеп,
Аналардын құс қолы.

Толық

Алтай таулары

  • 0
  • 0

Ақ қайың қызыл шырпылы
Жолымды күтті жеңгелер.
Кеудеме құйды күлкіні
Сылдырап бұлақ — теңгелер.

Толық

Қарап көріңіз