Өлең, жыр, ақындар

Күз демі

  • 07.02.2016
  • 0
  • 0
  • 2540
Шалқар егін шалқиды тудай
Шайқалғанда жел жетіп.
Толқиды бидай, толқиды тынбай
Даланы дәнмен тербетіп.
Түндерде беті дуылдап от боп,
Жалындап дала жанады.
Найзағай жерде зуылдап жоқ боп,
Жұлдыздар жерде ағады.
Сол оттар көшкен түн ішінде
Егіншінің іздері.
Сары ала бауырсақ иісіндей
Қытықтайды күз демі.
* * *
Теңіз-ау, сенің долданған
Мінезің тентек әбес тым.
Төсіңнен бұлт торлаған
Жағаңа тегі әуеспін.
Емес бұл менің қорқуым,
Ашулы ала көзіңнен.
Ойнақы жеңіл толқының,
Алысқан талай өзіммен.
Шашы бейне толқының,
Көріп ем бір қыз жаңада,
Бермейді жанға сол тыным,
Ғашық қып алыс жағаға.



Пікірлер (0)

Пікір қалдырыңыз

Тәтті көрші, тату дос

  • 0
  • 0

Жыр арнадым мен де ұлыңның біріндей,
Саған деген көңілім бар күніңдей.
Саған деген сезімім бар аяулы
Өзбекстан, өз бақшаңның гүліндей.

Толық

Хакімбекке

  • 0
  • 0

Біз бірі болмасақ та кемеңгердің,
Біз бірі болмасақ та тереңдердің,
Біз бірі болмасақ та көк шыңдардың,
Егіз бір ұйқасымыз өлендердің.

Толық

Мұнарлы тау басында

  • 0
  • 0

Ақшамда биігіне Сырымбеттің,
Жүгіріп басқалардан бұрын жеттім.
Мен мұнда тұрғандаймын күнге жақын,
Мен мұнда ұққандаймын сырын көктің.

Толық

Қарап көріңіз