Тастанды бала – Әділет Рахымұлы

Бұл бетте «Тастанды бала» атты Әділет Рахымұлы жазған бала туралы өлең берілген.

Тастанды бала, тасталды бала,
Қоқысқа денең ласталды, бала.
Анашың неге жүрексіз сонша?!
Күңіреніп, көзге жас алды дала...

Анасыз бала, панасыз бала,
Қалдырған сені санасыз ана.
Ғұмырың неткен қып-қысқа еді?!
Үй мен қоқыстың арасы ғана...

Кешірші бізді, Жаратқан Алла!
Кешірші бізді, періште бала!
Бұл өмір саған қатігез болса да,
Шаттансың жаның пейіште, бала...

Ә. Рахымұлы
11.04.2022 жыл


Пікірлер (0)

Пікір қалдырыңыз

Ұқсас өлеңдер

Басқа да жазбалар