Мен қазiр сарша тамызбын

Бұл бетте «Мен қазiр сарша тамызбын» атты Қуандық Шаңғытбаев жазған өлеңнің мәтіні толық жарияланған.

Мен қазiр сарша тамызбын,
Сен болсаң – майда мамырсың,
Арманмын, арзу-арызбын,
Көзiмнен оны танырсың.

Мен қазiр тымық тамызбын,
Сен болсаң – қайнар мамырсың.
Жалғанда сенсiз жалғызбын,
Саясың маған, сабырсың.

Мен қазiр түтек тамызбын,
Сен болсаң – жарық мамырсың.
Сенсiң ғой маған нағыз Күн,
Өтiрiк айтсам, нан ұрсын!


Пікір қалдырыңыз

Пікірлер (0)

Осы автордың басқа өлеңдері