Бақанас вальсі

Бұл бетте «Бақанас вальсі» атты Бек Тоғысбаев жазған өлеңнің мәтіні толық жарияланған.

1. Алатау – Жетісу анасы,
Жайнаған Іленің жағасы.
Байлықтың шалқыған мекені,
Бақанас болашақ қаласы.

Қайырмасы:
Іле бойы – байтақ елім,
Мөлдір Балқаш – шалқар көлім.
Нұр бейнеңді әнге қосып,
Шаттанамын, туған жерім.
Туған жерім – байтақ елім!

2. Ну орман, тоғайың, айдының,
Айдында жүзеді байлығың.
Шаттыққа бөлейді болашақ,
Нұр шашып аспаннан ай-күнің!

Қайырмасы.

3. Ақ жарқын, қонақжай елім бар,
Кең өлке – құт мекен жерім бар,
Достарым, келіңдер, көріңдер,
Құшаққа алатын төрім бар!

Қайырмасы.


Пікір қалдырыңыз

Пікірлер (0)

Осы автордың басқа өлеңдері