Айна көл

1. Айдын көлім, ақ көлім, айна көлім,
Көк жағаңды жасымнан жайлап едім.
Бүгін барсам орныңды таба алам ба?
Айна көлім – айдыным, қайда менің?
А-хау, а-хау,
Айна көлім – айдыным, қайда менің?
2. Айдыныңнан аққулар кеткені ме?
Қаз, үйректер қона алмай өткені ме?
Кім байлады бағыңды, айтшы маған,
Арман-қайғың жүрекке жетпеді ме?
А-хау, а-хау,
Арман-қайғың жүрекке жетпеді ме?
3. Тоғайыңда адасқан қызыл елік,
Жаутаңдайды жабырқап мені көріп.
Толқымадың, қайтейін кетейін бе
Жүрегімнің тамшысын саған беріп?!
А-хау, а-хау,
Айна көлім,
Айдыным, қайда менің?!