Өлең, жыр, ақындар

Бибіжан

  • 07.02.2016
  • 0
  • 0
  • 2553
(Қуандыққа)
Бибіжан қыз Ақтөбеден
Жолға бірге жөнелген.
Содан атын сақтап келем,
Іздеймін тек өлеңнен.
Көлде бойлап, көкте жайнап,
Ойнады тау желімен.
Көкірегімде құстай сайрап,
Бірге жүрді менімен.
Көңілімде күйі қалып,
Көз алдымнан ұрланды.
Жалынына күйіп-жанып,
Жаза бердім жырларды.
Махаббаттың отын көріп,
Шақырғанмен дауыстап.
Кейде әдейі жақын келіп,
Кейде қашты-ау алыстап.
Көрмесем де жалын жүзін
Бейнелеймін теңеумен.
Түркіменнің ару қызын
Іздей берем өлеңнен.
Ондай қыздың жоқ болуы
Мүмкін емес өмірде.
Мүмкін маған тап болуы
Түркіменнің жерінде.



Пікірлер (0)

Пікір қалдырыңыз

Нижний тагил

  • 0
  • 0

Сорғалаған үстінде бүркіт әні,
Қалыпты есте күрең бел Түлкі тауы,
Нижний Тагил қапты есте бар қалпымен
Отпен жазған Оралдың бір кітабы.

Толық

Жыл жұлдызы

  • 0
  • 0

Алыс жолдан келіп қалса достымыз,
Жаңа жылда көтереміз тосты біз.
Егіз болмай биыл енді жүз болсын,
Өткен жылғы көтерілген қос жұлдыз.

Толық

Ленин проспектісі

  • 0
  • 0

Тойды алып жұрт сағынған көптен-көп,
Алматыға жайды қанат көктем кеп,
Сапқа тұрған коло колонналар секілді
Проспекті жатыр жасыл көкпеңбек.

Толық

Қарап көріңіз