Өлең, жыр, ақындар

Мәңгілік оты

  • 07.02.2016
  • 0
  • 0
  • 2396
Тарихын талай жас жаттап,
Болатын талай жылға аңыз.
Бір мұнара асқақтап,
Аспаннан қарап тұр жалғыз.
Тозаңды кері лақтырып,
Жуытпай оған жүр самал.
Күзеткен оны сақ тұрып,
Қалпағы жасыл шыршалар.
Ұшқандай адам үмітін,
Жалынымен көкке алып.
Түбінде соның күні-түн
Тұрады мәңгі от жанып.
Жылдарға алыс жеткендей
Осы бір жалын мәңгілік.
Жүрегін ерлер, кеткендей
Осында от қып қалдырып.
* * *
Ұшты ажал арындаған оққа мініп,
Жатты ажал жалындаған отта күліп.
Жапты ажал далаларды боранымен
Тастады айналаны оппа қылып.
Азынап айналаны кернеп шуы,
Қаралы күйді тартып жел өксіді.
Белорус ормандары күңіреніп,
Белорус өзендері дөңбекшіді.
Соғыста бойы мұздап суып қалмай,
Айқасты ол жекпе-жекке шығып талмай.
Тұр орман бұрынғыдан берігірек,
Шыңдалып от ішінде шыныққандай.



Пікірлер (0)

Пікір қалдырыңыз

Аспанда

  • 0
  • 0

Қалып жатыр шөл, ыза...
Шетсіз аспан әлемі.
Көрінді тау Феруза,
Аты қандай әдемі.

Толық

Алма-арасан

  • 0
  • 0

Алатау бұлттан басына
Көтергендей қол шатыр.
Етегінде шашыла,
Жалғыз да жалғыз жол жатыр.

Толық

Ғазиз ана

  • 0
  • 0

Бір күні дүниеге қарадым мен,
Ну орман жатты өзен алабы кең.
Жайқалды қыз табиғат қызыл гүлмен,
Бәрін де жылытты күн жанарымен.

Толық

Қарап көріңіз