Бір тал шаш

Қараймын да қызығамын,
Қандай әсем селкеу тұрған бір шашың.
Түзеп жатып үзіп алдым...
Қыз кекілі-ай, діңкемізді құртасың!

Күлді сұлу көзі жайнап,
Бейқам күлкі...батты аяздай арқама.
Қызықтым ба,
Кеттім бе аяп,
Бір тал шашты қағазға орап,
Салып қойдым қалтама.

Арманың не балғын үміт,
Қайран ,аңқау қыз жүрегі – жас бала.
Неге аңғармай алдым үзіп,
Қайтіп тағдыр
Бір тал шашын ұстатпағай басқаға...