Адамдар – шынарларым

Бұл бетте «Адамдар – шынарларым» атты Бақыт Жасқалиева жазған өлеңнің мәтіні толық жарияланған.

Өздеріңсің, адамдар – асқарларым,
Бүршік атып бұралған жас талдарым.
Өздеріңнің күшің мен құдіретіңнен
Көргем қара тастан да жас тамғанын!
Өздеріңсің, адамдар – шынарларым,
Таудағыдай сендерде мұнар қалың.
Сендердегі ізгілік, мол мейірімге
Еш қалтқысыз мәңгілік құмар жаным.
Өздеріңсің адамдар – қырандарым,
Қолға ұстатпас, көз тоймас сылаң сағым.
Сендердегі мәрттік пен жомарттықты
Қашанда жырлап өту – бір арманым.


Пікір қалдырыңыз

Пікірлер (0)

Осы автордың басқа өлеңдері