Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Түз

Сырбай Мәуленов

Түз

  • 07.02.2016
  • 0
  • 0
  • 1659
Алдымызда жатты аунап,
Соғыстың қан теңізі.
Арқамызда ақ таңдақ
Сор боп қатты тер ізі.
Тамшысындай жауынның
Терді иектен сүртеміз.
Көбігіндей сабынның
Жолақ-жолақ күртеміз.
Қара тер боп аттадық
Қанды майдан тау-құзын.
Біз осылай ақтадық
Туған елдің дәм-тұзын.
***
Көп жылдан соң Волховпен
Кездестірді бұл тағдыр.
Кетсем керек толқып мен
Тамды көзден бір жаңбыр.
Сүймеген бір еріннің
От лебі ме, кім білсін!..
Күйреген бір өмірдің
Көктемі ме, кім білсін.
Кешір, Волхов сырласым,
Менде жүрек, бауыр бар.
Сағыныштың бір жасын
Сәлемімдей қабыл ал.
Өттік нелер қиыннан,
Қалды ауыр сын алыс.
Жаңбыр болып құйылған
Қайғы емес қуаныш.

Cырбай Мәуленов өлеңдері Түз өлеңі

Пікірлер (0)

Пікір қалдырыңыз

Кетпейді аты көңілімнен

  • 0
  • 0

(Абдолла Жұмағалиев жайлы)
Табиғаттан тәңірідей
Құпия бір күйді ұғатын.
Үлбіреген жаны гүлдей

Толық

Батсайы

  • 0
  • 0

Балалықтың бірге өтті
Жақсы күні, жақсы айы,
Болдың бізге құрметті
Бал мінезді Батсайы.

Толық

Экспромт

  • 0
  • 0

Жалынынан айрылып суып денем,
Кетпесе екен кеудемде тұнып өлең.
Құрыса екен дүниенің құзғындары,
Прометейдің жүрегін жұлып жеген.

Толық

Қарап көріңіз

Басқа да жазбалар

Жаңалықтар

Нақыл сөздер

Соңғы жоспарлар

Пікірлер