Өлең, жыр, ақындар

Алғашқы әсер

  • 07.02.2016
  • 0
  • 0
  • 2364
(Жазушы Василий Субботиннің айтуынша )
Алматы артық екен ертегіңнен,
Мадақтап мақтамапты ел тегіннен,
Секілді алып кеме Алатауы,
Ақша бұлт аумай қалған желкенінен.
Паш етіп барлық жерге баяндамай,
Көп өттік Алматыға аялдамай,
Бар екен қазақтарда не сұлулар
Баяғы Қозы Көрпеш — Баяндардай.
Нұрлы екен сұлулықтың арманындай,
Жырлы екен сонау Біржан салдарындай,
Кең екен даласындай қазақ жаны,
Өр екен өздерінің тауларындай.
Бұлт мауқы басылмас тау басын құшпай,
Жеткенше жел де шыңға асығыстай,
Жайылған саусақтардай жас бұтақтар,
Шулаған жапырақтар жасыл-құстай.
Сынаптай таза ауасы жанға тұнған,
Жыр шертіп бұлақтары таңды атырған,
Әлемде артық жер жоқ, қазақ досым,
Ақ таулы жасыл баулы Алматыңнан.



Пікірлер (0)

Пікір қалдырыңыз

Көсем тұлғасы

  • 0
  • 0

Қара бұлты түнерсе де қауіптің,
Ленин болды бар ғаламға жарық күн.
Россияда ұлы Ленин көтерді,
Маркс ойын, ауыр жүгін тарихтың.

Толық

Есентуки таңы

  • 0
  • 0

Табиғаттың бал бөбегі,
Ойнап көктің бұлтын атып,
Боз ат мінген таң келеді
Ала тозаң бұрқыратып.

Толық

Беріктік

  • 0
  • 0

Айнала тастай түн күңгірт,
Айтып ең маған сен сырды.
Жұлдыздар сөнді, жел жым-жырт,
Ойланып орман тұр мүлгіп,

Толық

Қарап көріңіз