Мавзолей күзетшісі – Сырбай Мәуленов

Бұл бетте «Мавзолей күзетшісі» атты Сырбай Мәуленов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 07.02.2016
  • 0
  • 0
  • 1733
Түн.
Көлеңкелер көлбең қағып ұзарған,
Түн.
Қызыл тулар
Қырмызы таң қызарған.
Кремль өркештері –
Ғасырлардың өткелі.
Кремль шыршалары –
Табиғаттың мәңгі жасыл көктемі.
Түн.
Дүние дем алып жатқандай,
Түн.
Жер тұңғиық көл түбіне батқандай.
Түн.
Москва жұлдыздары
Өмір шамын жаққандай.
Түн.
Қапсыра жатқан қап-қара қанатымен,
Түн.
Тыныштықта тыныштық алатын дем,
Түн.
Тек қана үнсіз адымдайды
Кремльдің қос тілді сағатымен.
Түн.
Аспан төсі сәулемен сызылмаған,
Түн.
Ортасында күндей қызыл алаң.
Түн.
Тек қана мұхиттай космосқа
Барады құлаш сермеп жүзіп адам.
Түн.
Күзетеді Ленинді Қызыл гүлдер,
Жер шарының жиналған түкпірінен.
Күзетеді қызыл тулар-қызыл күндер,
Шыршларды сүйеді шық тілімен.
Қызыл гүлдер қызыл жалын бүркіп оттай,
Көтергендей жапырақтармен шығыс күнін.
Мавзолейде сақшы тұр кірпік қақпай,
Елмен бірдей күзетіп Ленин тыныштығын.


Пікірлер (0)

Пікір қалдырыңыз

Жиі қойылатын сұрақтар

Мавзолей күзетшісі өлеңінің авторы кім?

Сырбай Мәуленов — осы өлеңнің авторы.

Мавзолей күзетшісі өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Мавзолей күзетшісі өлеңі не туралы?

Бұл өлеңде Сырбай Мәуленов өз ойы мен сезімін көркем түрде жеткізеді.

Мавзолей күзетшісі өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері