Өлең, жыр, ақындар

Әскери марштар

  • 07.02.2016
  • 0
  • 0
  • 3294
Осынау аспан көз жасына малынған,
Осынау орман жаралған тек сағымнан.
Көз жасы емес,
Сағым емес,
Атты әскердің марштары секілді
Жаралғандай дауылдар мен жалыннан.
Щорс әне сүйеніп ат жалына,
Бара жатыр жорық шегіп тағы да.
Толқынымен өлең айтып шуылдап,
Ұзатып сап, ұрады өзен жарына.
Қара ормандар қоштасады, шулайды,
Қыздар байғұс вокзалдарда жылайды.
Қызыл тулы атты әскерлер ағады,
Ағады өзен қанға аралас лайлы.
Алда торлар, алда орлар қазылған,
Ұлы жолда дәтке медет азық-ән.
Атты әскерлер марштарды ойнайды,
Пархоменко қиялымен,
Котовскийдің тұлпарының тұяғымен.
Аманкелді қылышының
жарқылымен жазылған,
Кең далада ұшады өр дауыстар
Айбынынан қалтырайды алыс жар.
Ту боп толқып, жай боп ойнап жарқылдап,
Жер үстінде солқылдайды марштар.



Пікірлер (0)

Пікір қалдырыңыз

Ғалиға

  • 0
  • 0

Жетісу бойы жеті өзен,
Құйылған зәулім құздардан.
Басынан көп күн өткізген,
Тауында тарам із қалған.

Толық

Исфара

  • 0
  • 0

Тау басына қонса мейлі қыс ақпан,
Жазды Исфара босатпайды құшақтан.
Айтты досым тәжіктерше Исфара —
Деген сөз ол:— тоқта, мейман, түс аттан!

Толық

Қазалы хат

  • 0
  • 0

Ақсақалды қария
Оқышы деп берді хат.
Қандай қызыл сиямен
Жазылыпты жаманат.

Толық

Қарап көріңіз